{"id":1541,"date":"2014-07-06T19:46:36","date_gmt":"2014-07-06T17:46:36","guid":{"rendered":"http:\/\/www.blogk.ch\/?p=1541"},"modified":"2026-11-15T14:50:47","modified_gmt":"2026-11-15T12:50:47","slug":"1541","status":"publish","type":"post","link":"https:\/\/blogk.ch\/?p=1541","title":{"rendered":"E Red"},"content":{"rendered":"<p><img decoding=\"async\" src=\"https:\/\/blogk.ch\/wp-content\/uploads\/2020\/10\/messerli_retouchiert.jpg\" alt=\"Im R\u00fcegsauschachen ca. 1946\" \/><\/p>\n<p>Grossmutter Elise G. mit ihrer ersten Enkelin, ca. 1946<\/p>\n<p>I s\u00f6ll doch bitte zum Geburtstagsap\u00e9ro \u00f6ppis s\u00e4ge, hei miner T\u00f6chtere gmeint.<br \/>\nWie macht me das, ohni dass es e Art vorzogni Grabred wird?<br \/>\nI has probiert:<\/p>\n<blockquote><p>Weme gsung u zw\u00e4g sibezgi cha w\u00e4rde, isch das es Gl\u00fcck u nid s\u00e4lbverst\u00e4ndlech.<\/p>\n<p>Ganz ohni Regle u Wiisheite vo de Altvordere w\u00e4rs allw\u00e4g nid so guet gange. I ha es paar drvo notiert, wo ni euch nid m\u00f6chte vorenthalte. W\u00e4r weiss, villicht ch\u00f6it dir die einti oder angeri bruche.<\/p>\n<p>Mi Grossmueter, d Rosa Schenk, het mir, woni no chlyn bi gsi, d Angscht vor wilde Tier gno, wo im Troum oder in W\u00fcrklechkeit eim so ch\u00f6nnti beg\u00e4gne. \u201eStang eifach a W\u00e4grand u sing es Lied,\u201c het si grate. Si het das nid s\u00e4lber ust\u00e4nkt. Es isch im \u201eSch\u00e4flihirt\u201c gstange, d\u00e4m Blettli, wo dr <a href=\"http:\/\/www.blogk.ch\/index.php?s=br%C3%BCderverein&amp;submit=Search\">Br\u00fcederverein <\/a>f\u00fcr d Jugend monatlech usegg\u00e4 het. D Grossmueter het mer es Bildli zeigt mit eme gf\u00fcrchige L\u00f6i drufe. \u201eAlso, wen i d\u00e4m \u201aGott ist die Liebe\u2019 singe, macht d\u00e4 mir n\u00fct\u201c ha ni gw\u00fcsst.<br \/>\nSpeter het de dr Vater albe vo mene Kolleg verzellt, wo die Singregle nid het kennt u em L\u00f6i darum i d Schnure ine greckt heig bis zum Schwanz hingere u ne de grad &#8211; ruckzuck &#8211; l\u00e4tz gmacht heig. I bi nume einisch im indische Dschungu churz amene Tiger beg\u00e4gnet, f\u00fcr nes Lied h\u00e4ts gar nid gl\u00e4ngt.<\/p>\n<p>Mit mire angere Grossmuetter, dr Elise Glauser Pfeiffer, bin i \u00f6ppe <a href=\"http:\/\/www.blogk.ch\/?p=797\">a dr \u00c4mme <\/a>uf dr R\u00fceggsousite ga spile. M\u00e4ngisch si mir o uf dr <a href=\"http:\/\/www.panoramio.com\/photo\/50615149\">Holzbr\u00fcgg<\/a> i ds Wasser abe ga luege. Wemer lang gnue uf d \u00c4mme gluegt hei, hei mer gmeit, mir fahri.<br \/>\nSchiff fahre het mer g\u00e4ng gfalle, <a href=\"http:\/\/www.blogk.ch\/index.php?s=moledet&amp;submit=Search\">sigs uf em Meer<\/a>, ufeme Kanal oder <a href=\"http:\/\/www.blogk.ch\/?p=1114\">uf em Thunersee<\/a>.<br \/>\nWi mir ja vo \u00fcsem Unggle Graf \u00c4rnscht w\u00fcsse, s\u00f6tt me sech der Wunsch nach ere Thunerseefahrt m\u00fcglechscht schn\u00e4ll erf\u00fclle. Dr \u00c4rnscht isch n\u00e4mlech gschtorbe, bevor \u00e4r no einisch uf em See isch gsi.<\/p>\n<p>Das i chli verchlemmt bi u sicher ke Meischterin i dr sexuelle Ufkl\u00e4rig, ligt nid a mine Eltere. Wo ni \u00f6ppe f\u00fcfi bi gsi, hei si mer gseit, wie das geit mit de chlyne Ching. Dr Liebgott schickse vom Himu obenabe u si ch\u00f6mi blutt uf d W\u00e4lt \u2013 &#8222;nackt und bloss&#8220;. I bi de m\u00e4ngisch lang am F\u00e4nschter gschtange u ha ghoffet, so nes Bebe gse abezs\u00e4gle. Aber n\u00fct ha ni gseh, u i has vo d\u00e4m Libgott fiis gfunge, dass er o Bebe blutt abeschickt, wes chalt isch u r\u00e4gnet.<\/p>\n<p>Drum bin i froh dass dir alli guet sit glandet.<\/p>\n<p>I ma mi erinnere, das i lang zwe grossi W\u00fcnsch ha gha, n\u00e4mlech e Isebahn Wage voll Wule u e Isebahnwage voll B\u00fcecher. Vo beidem hani i als Ching g\u00e4ng zweni gha. Es Str\u00e4ngli Wulle het f\u00fcr mi Fuessgr\u00f6ssi lang nume f\u00fcr ei Socke u ds B\u00f6rtli vom zw\u00f6ite gl\u00e4ngt.<\/p>\n<p>Dr \u201eSch\u00e4flihirt\u201c isch jede Monet cho u i ha ne scho bevor das i i d Schuel bi cho, s\u00e4lber ch\u00f6nne l\u00e4se. Ipr\u00e4gt het sech mir die Gschicht vom chlyne Negerb\u00fcebli us em heisse Afrika, wo mit sire Mueter het ufe Acher m\u00fcesse ga. D Muetter het vil Fuhre ghacket u \u00e4s het ds Meiss dri gleit, wie d Mueter ihm het gseit. Aber \u00e4be, das B\u00fcebli hets de nid eso genau gno, was me de ersch speter gseh het, wo die Saat isch ufgange.<br \/>\nDas isch f\u00fcr mi e Lehr f\u00fcr ds L\u00e4be worde.<\/p>\n<p>I ha eigentlech zum Isebahnwage voll B\u00fcecher w\u00f6lle cho.<br \/>\nI dr Oberschuel hani 2 B\u00fcecher i dr Wuche d\u00f6rfe n\u00e4h. Es het eifach i dam Bibliotheksschaft vo der Sek Riggischb\u00e4rg nume wenig ha. De hani de no ch\u00f6nne die B\u00fcecher etlehne, wo dr Unggle vore Schuelkollegin w\u00e4hret em Studium het gl\u00e4se u deheim im St\u00f6ckli het la lige: Schopenhauer, Veterin\u00e4rmedizinisches, F\u00f6rschtergschichte vom Ludwig Ganghofer u B\u00e4rgstigerrom\u00e4n vom Gustav Renker.<\/p>\n<p><!--more--><\/p>\n<p>Ersch vil speter isch de mi B\u00fcecherwunsch total in Erf\u00fcllig gange, wo ni de unghinderet Zuegang ha \u00fcbercho zersch zur Regionalbibliothek u n\u00e4chhar zu de \u00e4ndlose Magazin vo der Unibiblere u andere Bibliotheke im In- und Usland.<br \/>\nO hie hani Gl\u00fcck gha. Miner Socke ch\u00f6nnti itz g\u00e4ng fertig w\u00e4rde u B\u00fcecher \u00fcberchumeni g\u00e4ng die N\u00f6ischte u Sch\u00f6nschte vo de B\u00fcecherl\u00fct um mi ume. Danke!!<\/p>\n<p>I chume zur e witere bruchbare L\u00e4bensregle: \u201eAussen fix und innen nix\u201c.<br \/>\nDas isch dr Grund, dass i nie us em Huus ga ohni fr\u00fcsches Hemli, suberi Ungerhose u gw\u00e4schni Str\u00fcmpf. Klar hani o g\u00e4ng e subere Naselumpe biimer. D\u00e4 chame ja nid nume f\u00fcr d Nase bruche, sondern o als Verband, Sunneh\u00fcetli, Beerichr\u00e4ttli oder Ged\u00e4chtnisst\u00fctze. We dr e Chnopf i Naselumpe machet, verg\u00e4sset dr n\u00fct meh.<\/p>\n<p>E schwiregi Wiisheit isch die, wo d Muetter g\u00e4rn het vo sech g\u00e4. Si stammt us de Spr\u00fcch vom Salomo u heisst so ungf\u00e4hr \u201eSammle feurige Kohlen auf dem Haupt deiner Feinde.\u201c D Muetter het d\u00e4 Bibuspruch bruucht, we si \u00f6pperem, wo mir Ching ghasset hei, \u00f6ppis gsch\u00e4nkt het. Meischtens hei die L\u00fct die War gno u si nid n\u00e4tter worde. I gloube, das isch itz e Wiisheit, wo nume s\u00e4lte hout u h\u00fctigstags chum me bruchbar isch. D\u2019 L\u00fct, wo \u00fcs nid guet gsinnt si, g\u00e4 \u00fcs d Gsch\u00e4nk wider zr\u00fcgg, sigs p\u00e4r Poscht oder vor d T\u00fcr. Mi wot h\u00fct keni f\u00fc\u00fcregi Chole me ufe Chopf.<\/p>\n<p>\u00c4hnlech isch es mit em Eltere-Spruch: &#8222;Lasset die Sonne nie untergehen \u00fcber eurem Zorn&#8220;. Die Bibelfeschte unger euch w\u00fcsse, es isch Epher 4, V\u00e4rsch 26.<br \/>\nDas hani nid g\u00e4ng ch\u00f6nne erf\u00fclle. M\u00e4ngisch bi ni am Morge scho toube erwachet, aber itz wird\u2019s besser, bsungersch o w\u00e4ge dr <a href=\"http:\/\/www.blogk.ch\/?p=447\">Theres<\/a>, wo seit: \u201eJ\u00e4, chumm du, das isch doch Schnouz.\u201c<\/p>\n<p>Nume gschwing wott i uf ds herte Brot hiwiise, wo me \u00fcs gseit het, das sig nid hert. &#8222;Kein Brot, das ist hart.&#8220; O die Wisheit hani mer m\u00e4ngs Jahr z\u2019H\u00e4rze gno, ha alts Brot verw\u00e4rtet bis zum letschte Br\u00f6smeli. Nat\u00fclech hei mer o bir Frou Ch\u00e4ser ir Chochschuel glehrt, e Brotsuppe zmache u Panierm\u00e4hl, Fotzelschnitte u Fleischt\u00e4tschli mit Brot, aber h\u00fct gibeni d\u00e4 <a href=\"http:\/\/www.blogk.ch\/?p=1170#more-1170\">R\u00e4bu <\/a>i ds Tierlibrot u nime g\u00e4rn die fr\u00fcsche Eier vom Suhn vo dr Nachbarin, wo H\u00fcehner het.<\/p>\n<p>I di glychi Sparte gh\u00f6rt o dr Spruch mit em Rappe, wo me s\u00f6lli ehre, s\u00fcsch sigme &#8222;des Frankens nicht wert&#8220;.<br \/>\nWie me mit emene F\u00fcfzgi e Familie wieder f\u00fcr ne Wuche \u00fcber d Rundi bringt, weiss mi Schweschter Rosmarie.<\/p>\n<p>Ei Leitspruch, wo ni g\u00e4ng wider g\u00e4big cha bruche, isch &#8222;Chasak ve emaz&#8220;. Das isch Hebr\u00e4isch u heisst stark u muetig. I rate das m\u00e4ngisch sogar angerne L\u00fct, obwohl ds Hebr\u00e4ische ja nid bsungersch agseit isch.<\/p>\n<p>I bi drf\u00fcr bekannt, dass i m\u00e4ngisch d\u2019L\u00fct n\u00e4rve, will i so usschweifend verzelle u bi Adam u Eva afa.<br \/>\nDrum s\u00e4geni itz nume no ei Spruch. Das d\u00fctsche Sprichwort het mi ehemalegi Lehrere g\u00e4rn gseit, d <a href=\"http:\/\/www.hls-dhs-dss.ch\/textes\/d\/D9395.php\">Dr. Helene Stucki<\/a>. Si het zu de erschte Frouer\u00e4chtlerinne z B\u00e4rn gh\u00f6rt u het sech nid gsch\u00fccht, mit de allm\u00e4chtige B\u00e4rner P\u00e4dagoge d Klinge z chr\u00fctze.<\/p>\n<p>\u201eGut anfangen ist gut, gut enden ist besser\u201c.<br \/>\nDas probieren i zmache.<\/p><\/blockquote>\n","protected":false},"excerpt":{"rendered":"<p>Grossmutter Elise G. mit ihrer ersten Enkelin, ca. 1946 I s\u00f6ll doch bitte zum Geburtstagsap\u00e9ro \u00f6ppis s\u00e4ge, hei miner T\u00f6chtere gmeint. Wie macht me das, ohni dass es e Art vorzogni Grabred wird? I has probiert: Weme gsung u zw\u00e4g sibezgi cha w\u00e4rde, isch das es Gl\u00fcck u nid s\u00e4lbverst\u00e4ndlech. Ganz ohni Regle u Wiisheite [&hellip;]<\/p>\n","protected":false},"author":73,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-1541","post","type-post","status-publish","format-standard","hentry","category-feste-feiern"],"_links":{"self":[{"href":"https:\/\/blogk.ch\/index.php?rest_route=\/wp\/v2\/posts\/1541","targetHints":{"allow":["GET"]}}],"collection":[{"href":"https:\/\/blogk.ch\/index.php?rest_route=\/wp\/v2\/posts"}],"about":[{"href":"https:\/\/blogk.ch\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/blogk.ch\/index.php?rest_route=\/wp\/v2\/users\/73"}],"replies":[{"embeddable":true,"href":"https:\/\/blogk.ch\/index.php?rest_route=%2Fwp%2Fv2%2Fcomments&post=1541"}],"version-history":[{"count":1,"href":"https:\/\/blogk.ch\/index.php?rest_route=\/wp\/v2\/posts\/1541\/revisions"}],"predecessor-version":[{"id":11179,"href":"https:\/\/blogk.ch\/index.php?rest_route=\/wp\/v2\/posts\/1541\/revisions\/11179"}],"wp:attachment":[{"href":"https:\/\/blogk.ch\/index.php?rest_route=%2Fwp%2Fv2%2Fmedia&parent=1541"}],"wp:term":[{"taxonomy":"category","embeddable":true,"href":"https:\/\/blogk.ch\/index.php?rest_route=%2Fwp%2Fv2%2Fcategories&post=1541"},{"taxonomy":"post_tag","embeddable":true,"href":"https:\/\/blogk.ch\/index.php?rest_route=%2Fwp%2Fv2%2Ftags&post=1541"}],"curies":[{"name":"wp","href":"https:\/\/api.w.org\/{rel}","templated":true}]}}